ခါးပေါ်က အဆီပိုတစ်လက်မရဲ့ အန္တရာယ်

Опубликовано 07.07.2011 pothi

ခါးပေါ်က အဆီပိုတစ်လက်မရဲ့ အန္တရာယ်

သင့်ရဲ့ ခါးအ၀န်းကို တိုင်းတာကြည့်ပါ။ ကျန်းမာရေးနဲ့ ညီညွတ်တယ်လို့ သတ်မှတ်ပေးထားတဲ့ ခါးအ၀န်းထက် တစ်လက်မလောက် ပိုရုံနဲ့တင် အူမကြီးကင်ဆာ ဖြစ်ရန် အန္တရာယ်ရှိကြောင်း နောက်ဆုံးပေါ် လေ့လာတွေ့ရှိချက်များ အရ သိရပါတယ်။

ခါးပေါ်က အဆီပို တစ်လက်မလေးဟာ သင့်ရဲ့ ကျန်တဲ့ နေရာတွေက ခန္ဓာကိုယ်အချိုးအစား သိပ်မဆိုးတောင် အူမကြီးကင်ဆာ ဖြစ်စေနိုင်တဲ့ အခွင့်အလမ်းရှိကြောင်း ဆရာဝန်များက သတိပေးပြောကြား လိုက်ပါတယ်။

ကျန်းမာရေးနဲ့ ညီညွတ်တဲ့ ခါးအ၀န်းကို အမျိုးသမီးတွေအတွက် ၃၁ လက်မခွဲ (၈၀ စင်တီမီတာ)၊ ဥရောပသားနဲ့ လူမည်းအမျိုးသားတွေအတွက် ၃၇ လက်မ (၉၄ စင်တီမီတာ)၊ အာရှသား အမျိုးသားများအတွက်တော့ ၃၅ လက်မ (၈၉ စင်တီမီတာ) အဖြစ် ကမ္ဘာ့ကျန်းမာရေး ပညာရှင်များက အတိအကျ သတ်မှတ်ထားပါတယ်။

ကင်ဆာရောဂါများ အပါအ၀င် ရောဂါတော်တော်များများ ကင်းဝေးချင်ရင် ဒီအတိုင်းအတာတွေထက် သင့်ခါးကို မတုတ်အောင် ရာသက်ပန် ထိန်းသိမ်းထား သင့်ပါတယ်။ ဒီအတိုင်းအတာတွေထက် တစ်လက်မ ပိုများတိုင်း အူမကြီးကင်ဆာအန္တရာယ် ၃% တက်လာကြောင်း လေ့လာတွေ့ရှိထားရလို့ ဖြစ်ပါတယ်။

ဒီလို ဗိုက်အိုးကြီးခြင်းရဲ့ ကင်ဆာအန္တရာယ်ကို ဗြိတိန်ကျန်းမာရေး ပညာရှင်တွေက သူတို့နိုင်ငံမှာ လူတွေရဲ့ အသက်အန္တရာယ်ကို ဒုတိယအခြိမ်းခြောက်ဆုံး ဖြစ်နေတဲ့ အူမကြီးကင်ဆာ အတွက် ကြီးမားများပြားလှတဲ့ သုတေသနစစ်တမ်းတွေ ပြုလုပ်နိုင်ခဲ့လို့ သိရခဲ့တာ ဖြစ်ပါတယ်။

ကမ္ဘာ့ကင်ဆာသုတေသနရန်ပုံငွေအဖွဲ့ (World Cancer Research Fund) ရဲ့ ဆေးသိပ္ပံ အကြံပေးပညာရှင် ပါမောက္ခ မာတင်ဝိုက်စ်မန်းက ဒီလေ့လာမှုတွေ အားလုံးအပြီး ရလဒ်တွေ အတည်ပြုအပြီးမှာ “အခုတွေ့ရှိချက်ဟာ အရင်က သိခဲ့ကြပြီးသား ဖြစ်တဲ့ ခန္ဓာကိုယ်ထဲမှာ အဆီပိုတွေ ရှိရင် ကင်ဆာဖြစ်လာဖို့ အန္တရာယ် ရှိတယ် ဆိုတဲ့ အချက်ကို အခိုင်မာဆုံး သက်သေအဖြစ် ပေါင်းစပ်တင်ပြခဲ့တာပါပဲ။ တကယ်တမ်းကလည်း ဆေးလိပ်သောက်ခြင်းကို ရှောင်ကြဉ်ခြင်းဟာ ကင်ဆာရောဂါအများစုရဲ့ အကြီးဆုံး အကြောင်းရင်း ဖြစ်လို့ ရှောင်ကြဉ် ဖြတ်တောက်သင့်သလို ကျန်းမာရေးနဲ့ ညီညွတ်တဲ့ ကိုယ်အလေးချိန်၊ ခါးအ၀န်းတွေ ရှိအောင် ထိန်းသိမ်းထားသင့်ပါတယ်။ ဗြိတိန်မှာ တစ်နှစ်ကို အူမကြီးကင်ဆာ တစ်မျိုးတည်း ဖြစ်တဲ့ လူ ၃၈,၀၀၀ လောက်အထိ ရှိနေတာကို ကာကွယ်ချင်ရင် အ၀မလွန်အောင် ကိုယ်အလေးချိန် ထိန်းသိမ်းလိုက်ရုံပဲ ဖြစ်ပါတယ်” လို့ ပြောကြားခဲ့ပါတယ်။

ဗိုက်နေရာမှာ အဆီပြင်တွေ စုဝေးနေခြင်းဟာ ခန္ဓာကိုယ်ရဲ့ ပုံမှန်ဖြစ်နေရမယ့် ဟော်မုန်းတွေရဲ့ ပမာဏကို ကမောက်ကမဖြစ်စေပြီး အူမကြီးကင်ဆာ ဖြစ်စေတဲ့ ဟော်မုန်းတွေရဲ့ ပမာဏကိုတော့ မြင့်မားလာစေကြောင်း သိပ္ပံပညာရှင်များက တွက်ဆထားပါတယ်။ ၀က်အူချောင်း၊ ၀က်ပေါင်ခြောက် စတဲ့ ပြုပြင်ဖန်တီးထားတဲ့ အသားတွေ စားခြင်းမြင့်မားမှုဟာလည်း ဗြိတိန်နိုင်ငံရဲ့ အူမကြီးကင်ဆာ အဖြစ်များရခြင်းရဲ့ အကြောင်းရင်းတွေထဲက တစ်ခု ဖြစ်နေပါတယ်။

ဘယ်လိုပဲ ပြောနေနေ ဗြိတိန်လိုနိုင်ငံမျိုးဟာ တစ်နှစ်တစ်နှစ်ကို အူမကြီးကင်ဆာ ဖြစ်သူ ၃၈,၀၀၀ လောက် ရှိနေတာတောင် ၁၆,၀၀၀ လောက် အသက်ရှင်အောင် ကုသပေးနိုင်လျက်ရှိတဲ့ ဆေးပညာထိပ်တန်းနိုင်ငံ တစ်ခု ဖြစ်ပါတယ်။ ဒီလို အစားအသောက်မျိုးတွေကို အရှေ့တောင်အာရှနဲ့ အာဖရိက က ဖွံ့ဖြိုးဆဲနိုင်ငံတွေမှာ အထူးကို လျှော့စားသင့်လှပါတယ်။

ဆေးပညာတွေ ဘယ်လောက်ပဲ တိုးတက်တိုးတက် လူတွေရဲ့ ကျန်းမာရေးနဲ့ မညီညွတ်တဲ့ နေထိုင်ပုံတွေကြောင့် ဖြစ်လာတဲ့ ရောဂါတွေကိုတော့ ဘယ်လိုမှ ဆေးပညာက မကာကွယ် မကုသပေးနိုင်ပါဘူး။ ဗြိတိန်မှာ နှစ်စဉ်သေဆုံးမှု အများဆုံး ရောဂါဟာ ဆေးလိပ်ကြောင့်ဖြစ်ရတဲ့ အဆုတ်ဆိုင်ရာ ကင်ဆာများ ဖြစ်နေတာက အကြီးမားဆုံး သက်သေပါပဲ။