အသျှင်ပညာစာရသူမနှင့်ဖောက်ပြန်ခြင်းမဟိလို့ အစိုးရသက်သီး ဒေါ်မာလာကိုယ်တိုင်တရားရုံးမှာ ထွက်ဆို
Опубликовано 24.08.2010
kyaukphru
Метки: သတင်း
ရခိုင်ပြည် စစ်တွေ တရားရုံးမှာ အစိုးရသက်သီ အမျိုးသမီးက - သူမရေ အစိုးရ ဖမ်းဆီး စွပ်စွဲစွာ ခံနိန်ရရေ ရခိုင် သမိုင်းသုတေသီ ဆရာတော်နန့် ဖောက်ပြားခြင်း မရှိခပါလို့ ထွက်ဆိုလိုက်ပါရေ။
...
စစ်တွေက ရခိုင်သမိုင်းသုတေသီ ဦးပညာစာရနန့် သူမရေ မဖောက်ပြန်ခပါလို့ အစိုးရ သက်သီ ဒေါ်မာလာက တရားရုံးမှာ ထွက်ဆို ခစွာပါ။ ရဲစခန်းမှာတုန်းက ဆရာတော်နန့် ဖောက်ပြားလို့ အချေ နှစ်ယောက် ရခပါရေလို့ ထွက်ဆိုရစွာရေ - တိုင်ကြားသူတတိက ဖေသာ သိန်း ၂၀ ပီးဖို့ဆိုပြီးကေ၊ စည်းရုံးကတ်လို့ ယင်းပိုင် မမှန်မကန် ထွက်ဆိုခစွာပါ ဆိုပြီးကေ၊ တရားရုံးမှာ ထွက်ဆိုပါရေ။
...
တစ်ဖက်က စံရဖွေ-ထွန်းသိန်း (ဦးပညာစာရကို လုပ်ကြံ တိုင်ကြားသူ) ရို့က ဘုန်းကြီးကျောင်းကို တိုက်ခိုက်ဖို့ လုပ်နိန်ကရတ်တေ။ ယင်းအချိန်မှာ အကျွန့်ကို လာစည်းရုံးရေ။ ဖေသာ ပီးဖို့ ဆိုပြီးကေ- ယင်းပိုင် လာပနာ စည်းရုံးလာရေ။ ယင်းအတွက်ကြောင့် ဒေပိုင်-ရဲစခန်းမှာ၊ ယင်းအချိန်က မဟုတ်မမှန် ထွက်ဆိုခစွာ ဖြစ်ပါရေ ဆိုပြီးကေ၊ ဖြေရှင်းချက် ပီးပါရေ။
ရဲကို တိုင်ကြားရေ စံရဖွေ-ထွန်းသိန်းရို့ ဦးဆောင်ရေ ကော်မတီစွာ ဆရာတော်၏ လူမှု ကယ်ဆယ်ရေး လုပ်ငန်းတိ ချောမွိ့အောင်လုပ်ဖို့၊ ဆရာတော်က ဖွဲ့ထားရေ ကော်မတီ ဖြစ်ပါရေ။ ဆရာတော်၏ လုပ်ငန်းတိ အောင်မြင်ကြီးပွားလာရေအခါ မက်မောလာပြီးကေ၊ ဆရာတော်ကို ဖယ်ရှားဖို့ ကြိုးပမ်းစွာ ဖြစ်နိုင်ရေလို့ ဒေသခံက ထင်မြင်ချက် ပီးပါရေ။
|
|
 |
Printer Friendly Version |
Send to a Friend