၁၅ သိန်းတန်နဲ့ ငါးသိန်းတန် GSM

Posted on 9.7.2011 by pothi

၁၅ သိန်းတန်နဲ့ ငါးသိန်းတန် GSM
(ဂျီအက်စ်အမ်) ဖုန်းတွေကို ဒီကနေ့ ဇွန်လ ၂၁ ရက်က စပြီး နေပြည်တော်နဲ့
ရန်ကုန်မြို့တွေမှာ အင်တာနက် ဝန်ဆောင်မှု စတင် လျှောက်ထားနိုင်ပြီလို့
မြန်မာ့ဆက်သွယ်ရေးလုပ်ငန်းမှ သိရပါတယ်။ နည်းပညာအခေါ် Data Service (EDGE-
Enhanced Data rates for GSM Evolution) (အချက်အလက် ဝန်ဆောင်မှု)၊
အရပ်ဘက်အခေါ် အင်တာနက် ဝန်ဆောင်မှုအတွက် တပ်ဆင်ခကို ကျပ်တစ်သောင်း (၁၀၀၀၀
ကျပ်) ဖြင့် လည်းကောင်း၊ အသုံးပြုခကို တစ်မိနစ် လေးကျပ် (၄ ကျပ်)
နှုန်းဖြင့် လည်းကောင်း ကောက်ခံသွားမယ်လို့ သိရတယ်။ လက်ရှိ ၁၅ သိန်း
Postpaid GSM (ဂျီအက်စ်အမ်) ဖုန်းတွေအတွက် အဆိုပါ တပ်ဆင်ခကို
မြန်မာ့ဆက်သွယ်ရေး လုပ်ငန်းမှ ဆောင်ရွက်သွားမှာဖြစ်ပြီး၊ ကြိုတင်
ငွေဖြည့်ကတ် စနစ်သုံး ဂျီအက်စ်အမ် (Prepaid GSM) ဖုန်းတွေအတွက်
တပ်ဆင်ခကို မြန်မာ့ဆက်သွယ်ရေးလုပ်ငန်း၊ သက်ဆိုင်ရာ ကုမ္ပဏီတွေနဲ့
ကြိုတင်ငွေဖြည့် ဆင်းကဒ် (Prepaid SIM Card) ရောင်းချတဲ့ နေရာတွေကနေ
ကောက်ခံသွားမယ်လို့ ဆိုပါတယ်။ ပြည်နယ်နှင့် တိုင်းဒေသကြီးတွေက GSM
(ဂျီအက်စ်အမ်) မိုဘိုင်းဖုန်း သုံးစွဲနေသူတွေအနေနဲ့လည်း Data Service
(EDGE) ဝန်ဆောင်မှုကို လျှောက်ထားရယူထားပါက နေပြည်တော်၊
ရန်ကုန်မြို့တွေမှာ အသုံးပြုနိုင်တယ်လို့ သိရပါတယ်။