ဝေးရာဆီသို့
Geschrieben am 05.12.2010 von
tuntunaye_tongkyo
Stimmung: fine.
.
Musik: Rock.
Tags:ရယ်စရာပေါ့ပေါ့ပါးပါး
ဟိ.ရှ်..........အု..ရှ်............အိ..ရှ်
အသံတွေက..လသာသာကွင်းပြင်ကြီးနှစ်ခုကနေထွက်လာတဲ့အသံတွေပါ။ကရာတေးဆရာ
ကိုမြင့်သန်းနှင့်ကွန်ဖူးဆရာကိုမှတ်ကြီးတို့ရဲ့သင်တန်းတွေဆီကပါ။ဘောင်းဘီအဖြူရောင်ပွပွကြီးတွေနှင့်
တစ်ညီတစ်ညာလှူပ်ရှားနေသောလူငယ်အယောက်သုံးလေးဆယ်ဆီကထွက်လာတဲ့အသံတွေဖြစ်ပါတယ်။
ရွာမှာကလည်းအဲဒီအချိန်က တရုတ်သိုင်းကား တွေပြပြီးခေတ်စားနေတဲ့အချိန်ဆိုတော့
ရွာကလူငယ်တွေပိုးထနေတဲ့အချိန်ပေါ့လေ။ကျွန်တော်တို့ခမျာလည်းနှပ်ချေးတွဲလောင်း၊ဘောင်းဘီတို
လေးတွေဖြင့်ကန်သင်းလေးတွေပေါ်မှထိုင်ပြီး ကိုယ့်ထက်ကြီးတဲ့အကိုတွေကိုအားကျနေတာပေါ့ခင်ဗျာ။
ဘရုစ်လီ လိုဖြစ်ချင်တဲ့စိတ်တွေတဖွားဖွားနဲ့ပေါ့လေ။
နဲနဲလေးအရွယ်လေးရောက်လာတော့ကရာတေးဆရာကိုမြင့်သန်းဆီမှာကရာတေးသင်ဖို့
အပူကပ်တာပေါ့လေ။ဆရာကိုမြင့်သန်းကလဲ ဟာ မင်းအရွယ်ကသင်လို့မကောင်းသေးဘူး၊ကြံ့ခိုင်မှု
မရှိသေးဘူးဆိုပြီး.သင်မပေးဘူးဗျ။အဲဒါနဲ့အိမ်က ရောင်းဖို့ထားတဲ့ဖျင်စအဖြူတွေယူ စက်ချုပ်တဲ့
အစ်မကြီးဆီသွားအပ်တာပေါ့။အစ်မကြီးကပုံစံမသိလို့.".ဟို..ရှမ်းဘောင်းဘီလိုပွပွကြီးလေ အစ်မရယ်
သိုင်းသင်တဲ့ဟာမျိုး"ဆိုတော့မှ ပုံမကျပန်းမကျ နှစ်ကိုယ်စာလောက်ရှိတဲ့ဘောင်းဘီတစ်ထည်ရပါတော့
တယ်။ဘောင်းဘီကို ၀တ် ခါးစီးကြိုးစီး ပြီးကို့ဘာသာကိုသဘောကျနေတာပေါ့လေ။ဘာမှတောင်မသင်
ရသေးဘူးမှန်ရှေ့မှာကိုယ့်ပုံကိုယ်ကြည့်ပြီး အတော်မြောက်နေပြီ။
အဲဒါနဲ့ဆရာကိုမြင့်သန်းဆီ ကန်တော့စရာပစ္စည်းတွေဘာတွေနဲ့ပေါ့လေ၊သွားပြီးအပူကပ်တော့
ဟိုက နားညီးလွန်းလို့ ၊အေးကွာညကျရင်လာခဲ့ လို့ဆိုတော့ဝမ်းသာအားရနဲ့ အကိုဝမ်းကွဲ ကုလား
ဆိုတဲ့ကောင်ကိုခေါ်ပြီး သွားကြတာပေါ့၊ဟိုရောက်တော့လမိုက်ညမို့ရေနံဆီမီးခွက်အကြီးကြီးဟိုဖက်
တစ်လုံးဒီဖက်တစ်လုံးပေါ့လေ။ဟိုကြတော့ ဆရာကိုမြင့်သန်းက အခြေခံထိုင်နည်းကစပြီး၊လက်သီးထိုး
တတ်အောင်ပြတယ် ဗျ၊ပြီးတော့မှ အခြေခံလေ့ကျင့်ရေးဖောင် ဆိုပြီးလက်သီးထိုးကွက်ကလေးကိုပြ
ပေါ့၊ပြီးရင်လိုက်လုပ် ပေါ့၊မလုပ်တတ်၊လုပ်တတ်အမှားမှားအယွင်းနဲ့၊ချွေးတစ်လုံးလုံးနဲ့ညစ်ပတ်ပေရည်
နေတာပေါ့လေ။
ဆရာကလဲဟိန်းလိုက် ဟောက်လိုက် ကန်လိုက် ကျောက်လိုက်နဲ့ပေါ့။ လက်သီးကိုဒီလို
ဖြောင့်ဖြောင့်ကြီးမထိုးရဘူး၊တံတောင်ကိုနဲနဲကောက်ထားရတယ်၊ဒါမှရန်သူနဲ့တွေ့ရင်လက်ကိုရိုက်ချိုးမခံ
ရမှာ၊ခြေခွဲတာ၄၅ဒီဂရီမကျဘူး၊နောက်ခြေထောက်ကဒီလိုတက်ရင်ခံနိုင်ရတယ်ဆိုပြီးသူ့ကိုယ်လုံးကြီးနဲ့
တံတောက်ခွက်ပေါ်ဆောင့်နင်းပေါ့လေ။တုတ်လေးတစ်ချောင်းနဲ့ ဟိုနေရာကမှားတယ်၊ဒီနေရာကမှား
တယ်ဆိုပြီးရိုက်လိုက်သေးတယ်။တကယ့်ရန်သူအဓိပတိကြီးနဲ့ရင်ဆိုင်တိုက်ခိုက် ရတော့မလို ဂရုတစိုက်
နဲ့ ပါဝါပြ (အဲလေ) သေချာပြပေးနေတာပေါ့။
ဒီလိုနဲ့ခက်ခက်ခဲခဲအခြေခံအကွက်လေး နဲနဲပါးပါး လောက်လဲတတ်ရော ကိုယ့်ကို ကို
တော်တော်ဟုတ်လှပြီအောင့်မေ့နေတာ။ခြံထဲမှာလဲနေရာတွေဘာတွေသေချာရှင်း ဂုံနီအိတ်အနုကိုသေ
ချာချုပ်သဲကမရှိတော့ ကျောက်စရစ်တွေထည့်ပြီးသဲအိတ်လုပ်၊ ဘားဆွဲဖို့နေရာတွေလုပ်ပေါ့လေ၊တစ်
ယောက်ထဲအလုပ်ရှုပ်နေတာ၊ ခြံထဲက ငှက်ပျောပင်တို့အုန်းပင်တို့ကလဲလေ့ကျင့်ရေးပစ္စည်းတွေဖြစ်နေ
တာပေါ့။အုန်းပင်ဆိုတာလည်းရန်သူကြီးတစ်ယောက်လိုအမြဲအကန်ခံနေရတယ်၊ငှက်ပျောပင်တွေဆိုတာ
ကလဲလက်ချောင်းတွေနဲ့ထိုးဖေါက်လို့အပေါက်တွေချည်းပဲ၊အဖေကတော့ကိုယ့်ကိုသိပ်ကြည့်မရတော့ဘူး။
တစ်နေ့သူငယ်ချင်းတွေညီအကိုဝမ်းကွဲတွေရောက်လာကြတော့၊တစ်ချို့ကလဲကွန်ဖူးဆရာ
ကိုမှတ်ကြီးတပည့်တွေပေါ့လေ။သူတို့လဲသူတို့တတ်ထားတာလေးတွေပြကြတာပေါ့၊ဒီလိုနဲ့ကိုယ့်အလှည့်
ရောက်လာတော့ကိုတတ်ထားတာလေးတွေပြပြီးအရင်ကတည်းကမှသူများထက်အရစ်ရှည်တတ်တဲ့ကျွန်
တော်က အုန်းပင်ပေါ်ခြေ၃လှမ်းလောက်ပြေးတက်ပြီးအုန်းပင်ကြီးကို ယခင်လေ့ကျင့်တုန်းကထက်အား
နှစ်ဆလောက်ထည့်ပြီး ဖြောင်း ဆိုကန်ပြလိုက်တယ်။
အောင်မယ်ငီး......အကြောပေါ်သွားကျပြီဟ(စိတ်ထဲက ပြောတာ)။ဒီလိုနဲ့မြေ
ပေါ်ပြန်ကျတော့ ဘယ်လိုလဲပေါ့ ဟိုကောင်တွေကိုလှမ်းကြည့်လိုက်တော့ ပါးစပ်အဟောင်းသားနဲ့
့အထင်ကြီးတဲ့မျက်လုံးတွေနဲ့ပေါ့လေ။ကိုယ့်မှာလဲဟန်ကိုယ့်ဖို့နေနေရတာအတော်နာနေပြီ။ဒီလိုနဲ့ဟို
ကောင်တွေပြန်သွားတော့မှအိမ်ပေါ်ပြေးတက်ပရုပ်ဆီနဲ့အဖေမမြင်အောင် အသာနှိတ်ပေးနေရတာပေါ့။
တစ်နေ့သူငယ်ချင်းတွေဆီကပြန်လာတော့ခြံထဲကအဖြတ် ဒီငှက်ပျောပင်ကကိုင်းကိုင်း ၊
ကိုင်းကိုင်းနဲ့အတော်ကန်ချင်စရာကောင်းနေတာကိုး၊အစထဲကလက်မနေနိုင်ခြေမနေနိုင်နဲ့ကျွန်တော်က
ကျား ဆိုတစ်ချက်ပတ်ကန်လိုက်တာ ငှက်ပျောပင်ကြီး ခါးကျိုးသွားတော့တယ်။သေချာကြည့်တော့
့"ဒုက္ခော"အသီးတွေနဲ့ဟ၊အသီးတွေမှရင့်ခါနီးနေပြီ မဖြစ်ဘူး အသာလေးပုံမပျက်အောင်တုတ်နဲ့
သေချာထောက် ပြီးထားထားတာပေါ့။
မေ့မေ့ပျောက်ပျောက်ရှိတော့မှ ခြံထဲကအဖေ့အသံကြားလိုက်ရတယ် "ငါဘိုးဘိုးကြီးပွဲ
ပြင်ဖို့စောင့်နေတဲ့ငှက်ပျောပင်ကြီးသေသွားပြီ၊ဒါဘယ်သူ့လက်ချက်လဲဟေ့...ဒါ ဟိုကောင်ပဲ
ဖြစ်ရမယ်"ဆိုတဲ့အသံလည်းကြားရောဘာရမလဲ နောက်ကျခြေထောက်သစ္စာဖေါက်ပဲ ဟိုကောင်တွေ
အိမ်ကိုပြေးပြီအဖေရေ့...တာ့တာ..
ဒါတောင်နောက်ကလှမ်းခေါ်နေသံကြားနေရတယ်..ဘာရမလဲဟိုဖက်ခြံထဲကလူကိုပဲလှမ်း
နှုတ်ဆက်နေသလိုလို၊ဒီဖက်ခြံ ကပဲကိုယ့်ကိုစကားပြောနေသလိုလိုနဲ့ အဖေ့အသံမကြားရတဲ့နေရာ
ဝေးရာဆီသို့.............
လူတိုင်းလူတိုင်း ငယ်စဉ်အခါက အရူးထခဲ့ ဆိုးခဲ့ကြမှာပါပဲနှော်။ကျွန်တော်ကလည်း အရူးထ
ခဲ့တဲ့အကြောင်းတွေရေးတယ်ပေါ့။ အားလုံးပျော်ရွှင်နိုင်ပါစေဗျာ.........